[اللازمة]
الحب فين اللي بتسهروله الليل
آه وبعدين؟ لحد إمتى هدور عليه؟
بقيت أفكر بالساعات
هو أنا كبرت ووقتي فات؟
ولا مشاعري خلصت وقلبي مات؟

[المقطع الأول]
راضي
بالمكتوب أنا دايماً راضي
صابر من لما كنت صَبي
فتّحت لقيت الوحدة قصادي
‫ياه، حوّلت حياتي لـ Monologue
‫مالقيتش للبشر Catalogue
زهرة الشباب مليانة شوك
بحر أحزاني كله موج
حقيقة (حقيقة)
كان لازم آلم للقصيدة (كان لازم)
عاملت عقول كانت مريضة (شياطين)
الغدر في ملتهم كان فريضة، ياه
والقلب جريح
أحاسيس دبلانة أكنه فصل الخريف
لا بيأثر ذم ولا بيأثر مديح
والمسكنات ما بتوقفش النزيف
Yeah-yeah-yeah-yeah
[اللازمة]
الحب فين اللي بتسهروله الليل
آه وبعدين؟ لحد إمتى هدور عليه؟
بقيت أفكر بالساعات
هو أنا كبرت ووقتي فات؟
ولا مشاعري خلصت وقلبي مات؟

[جسر]
في وحدة وصراع
في الليل والصباح
داء بدون لقاح
مركب بدون شراع

[المقطع الثاني]
الحب فين؟
قولوله إني بسأل عليه
المتاهة دي آخرتها إيه؟
ولو نده كنت رديت
الدنيا جابتنا، الدنيا ودتنا
في لحظة هزتنا، في التانية رستنا
لو مشاعركو حقيقية بجد كانت شدتنا
بطلنا نحبو في اللي بيموتنا
رفضت أسيب روحي للمخدرات، رفضت أدي طاقتي للمزيفين
فقت وعرفت ليه مالقيتش إجابة، عشان كنت مش بسأل غير الكدابين

[اللازمة]
الحب فين اللي بتسهروله الليل
آه وبعدين؟ لحد إمتى هدور عليه؟
بقيت أفكر بالساعات
هو أنا كبرت ووقتي فات؟
ولا مشاعري خلصت وقلبي مات؟
[الخاتمة]
الحب فين؟
قولوله إني بسأل عليه
المتاهة دي آخرتها إيه؟
لو نده كنت رديت