[Verse 1]
Loba néangan dulur, boga kaweruh nu luhur
(Bobot pangayom)
Teu poék néangan jalur
(Timbang taraju)
Bisa ngariksa diri, sangkan hirupna mandiri
(Asak rampa)
Teguh boga jadi diri
Teu ka bawa sakaba-kaba

[Chorus]
Ngalayang katebak angin
(Cakakak di leuweung, injuk talina)
Ngangkleung ti hilir ka girang
(Dihakan dibeuweung, hitut jadina)
Teu boga jimat nu jadi Pamuntangan
Leumpeuh papalidan

[Instrumental Break]

[Verse 2]
Nété taraje nincak hambalan
Caringcing pageuh kancing saringset pageh ikét
Kalakuan pagiri-giri calik, pagirang-girang tampaian
Teu unggut kalinguan, teu gedag ka angina
Tunggul diparud, catang dirumpag
Ngeduk cikur kedah mihatur, nyokél jahé kedah micarék
[Chorus]
Ngalayang katebak angin
(Cakakak di leuweung, injuk talina)
Ngangkleung ti hilir ka girang
(Dihakan dibeuweung, hitut jadina)
Nu ngaran hirup dunya mah ngumbara
Nyimpang kur saliwat