[المقطع الأول]
البيت وحش من غيرك والدنيا صعبة بشكل
لا عرفت أنام ولا أصحى ولا دقت طعم الأكل
البيت وحش من غيرك والدنيا صعبة بشكل
لا عرفت أنام ولا أصحى ولا دقت طعم الأكل
جربت أشيل الشيلة طلعت بجد تقيلة
إزاي لوحدك عاملة ده كله يا أم العيال يا جميلة

[اللازمة]
البيت وحش وخنيق عمال علينا يضيق
قلتلنا فعلاً أنا همشي ولا تعرفولي طريق
فينك يا ست البيت بعدك أنا إتربيت
وعرفت قيمتك يا أصيلة، صمت وخلاص صليت

[المقطع الثاني]
أحزان كتير قاعدالي والدنيا بعدك هم
آسفين بجد تعالي صحيلنا قلب الأم
بقى بيتنا قافل بابه فينك يا أغلى صحابه
عايشين بحسك وأما مشيتي متبهدلين في ترابه

[اللازمة]
البيت وحش وخنيق عمال علينا يضيق
قلتلنا فعلاً أنا همشي ولا تعرفولي طريق
فينك يا ست البيت بعدك أنا إتربيت
وعرفت قيمتك يا أصيلة، صمت وخلاص صليت