[المقطع الأول]
حن عليا وإعملي خاطر
قولولي مين في الحب شاطر؟
الحب حلو حتى في عذابه
نظرة رضا فيها جبر خاطر
قال إيه عليا طمنوني؟
خدوني ليه عنده وسيبوني
صعبان عليا الغيبة ديا
مش جايلي نوم إرحم عيوني

[اللازمة]
اللي بينا أكبر من كل الزعل، ليه الغياب؟
اللي فات فات وعدى، مش عايزين حتى العتاب
فرقونا وحسدونا، مش عايزينا نكون أحباب
اللي بينا أكبر من كل الزعل، ليه الغياب؟
اللي فات فات وعدى، مش عايزين حتى العتاب
فرقونا وحسدونا، مش عايزينا نكون أحباب

[المقطع الثاني]
أهم حد في الدنيا عندي
معقول تكون مبسوط في بُعدي؟
خليك براحتك، أنا مش هسيبك
مين بس حبك في الدنيا قدي؟
أنا دواك وإنت طبيبي
يا رزق قلبي يا نصيبي
يا كل حاجة حلوة في حياتي
حقك عليا يا حبيبي
[اللازمة]
اللي بينا أكبر من كل الزعل، ليه الغياب؟
اللي فات فات وعدى، مش عايزين حتى العتاب
فرقونا وحسدونا، مش عايزينا نكون أحباب
اللي بينا أكبر من كل الزعل، ليه الغياب؟
اللي فات فات وعدى، مش عايزين حتى العتاب
فرقونا وحسدونا، مش عايزينا نكون أحباب