[اللازمة]
الأيام مش زي بعضها
بس أيامي زي بعضها
وحاجات ياما كانت في إيديا
دلوقتي نفسي أوصلَّها

[المقطع الأول]
الأيام زحمة وداوشاني وسلامتِك يا دماغي
نفسي أشاركني لحظة صمت والأيام واخداني
اللي بكيته نشِف على خدّي، إتبخَّر ونَساني
أنا عارف إن الصامت ناجي، بس هتكلِّم تاني

[اللازمة]
وَلا غَمضوا عيوني طول الليل
بقى ده العادي، نعمل إيه؟
والناس نايمة ومش حاسّين
وقلبي زي طير حزين
أشكي لمين؟ مين هيحِس؟
كلها دنيا وعايشين فيها
عايشين فيها

[المقطع الثاني]
قوليلي أعمل إيه في الحيرة؟
أنا مش عايز أعيش في عذاب
أنا هعيش لنفسي ولّا
هفضّي نفسي وأعيش للناس؟
قوليلي أعمل إيه في الحيرة؟
أنا مش عايز أعيش في عذاب
أنا هعيش لنفسي ولّا
هفضّي نفسي وأعيش للناس؟
[جسر]
الأيام، الأيام فرَمِت أحلامي
والأيام، الأيام بتفوت قدامي
الأيام، الأيام فرَمِت أحلامي
والأيام، الأيام بتفوت قدامي

[اللازمة]
الأيام مش زي بعضها
بس أيامي زي بعضها
وحاجات ياما كانت في إيديا
دلوقتي نفسي أوصلَّها
الأيام مش زي بعضها
بس أيامي زي بعضها
كل الفرحة اللي في الدِنيا
كانت في إيديا وضيَّعتها

[اللازمة]
وَلا غَمضوا عيوني طول الليل
بقى ده العادي، نعمل إيه؟
والناس نايمة ومش حاسّين
وقلبي زي طير حزين
أشكي لمين؟ مين هيحِس؟
كلها دنيا وعايشين فيها
عايشين فيها