[المقطع الأول: محمد حماقي]
جواك عالم مليان تفاصيل
لو تتعب يوم، يسند ويشيل
مليان حكايات
في الدم چينات
عالم متفصل ليك تفصيل
بص في روحك هتشوف حواديت
ناس شبهك مع فرق التوقيت
صورة من حلمك
شكلك أو إسمك
حكاويهم مالية حيطان البيت

[اللازمة: محمد حماقي وويجز]
جواك عالم إحلم بيه
بص فيه تلاقيه كل لحظة معاك
جواك عايشة روح ملايين
من سنين وسنين في الطريق وياك
جواك عالم إحلم بيه
من سنين وسنين
الطاقة دي في الهوا (في الهوا)
جواك عايشة روح ملايين
السر دا في النيل
بيحكي تاريخ من الأول (من الأول)
آه جواك صورة مش سيباك
لو في يوم تتعب
هتلقى ناس كتير سنداك
[المقطع الثاني: ويجز]
أنا تاريخي مالي الدنيا
(أنا تاريخي مالي الدنيا)
جوايا عالم هي بلادي، حب حياتي
كنت بغني في مدرستي
وسط أصحابي بلادي بلادي
عندي فخر في چيناتي
أنا طالع لأجدادي
أنا شايف التاريخ حواليا
أنا شايف الحياة قدامي
أنا مصري والتاريخ كله عارف أنا مين
إحنا اللي بدأناها، إحنا بعدين التاريخ
كان في وقت صعب عادي قمت معدي بيه
كل وقت الشدة تلاقي بيظهر بطل فيه
(Yeah, yeah, yeah, yeah, yeah)

[اللازمة: محمد حماقي وويجز]
جواك عالم إحلم بيه
بص فيه تلاقيه
كل لحظة معاك
جواك عايشة روح ملايين
السر دا في النيل
بيحكي تاريخ من الأول (من الأول)
آه، جواك صورة مش سيباك
لو في يوم تتعب
هتلقى ناس كتير سنداك