[ Couplet unique ]
Habt ga3ma fahm ana fin ochno li tari
M3a kan7ett rejli m3a katban li denya khdora
Ta fin sde9t ash ja mayrej3ni l dari
L2ard koulha ghaba ta7ed makaydor mehjora
Kanswel ana fin mabantli la dar la village
Jawbtni l machine 200 alf 9abl l milad
Wtf ashno jay kandir hna
Galt li skt rani khtaritk bash do9 lme3na
Dyal 7yatk wtchouf lfer9 bin zmank o daba
Bash tefttr khrj tssyed 7it makayna ta me7laba
Sayb chi rom7 o mddi sla7k o dirha 3ada
O 7di latwli farissa d 7ayawanat kador fl ghaba
Jani lberd aykhssni n9ttel chi ka2in
Nakhd jeldo nssne3 b lhidora jacket
Makayn la toub la jean
La 9awanin la din
Makayn 7ta chi badil
Dberha terha fil
Nssyed le7ma bash ntteybo khass n7tteb
7it makaynsh l bota o makaynsh lwe9t fin n3guez
Haz cha9ouri 9assd lghaba njib chi 3idan
Bash nch3el nar rah mouchkila ktr mn li fat
3afya che3lat khassni n7afd 3liha lil kaml
Dlam bda kaytti7 o ana wst lghaba machi sahl
L 2ard rah dari makaynsh li ysswlni fin sakn
2ard lah 2ardi o ana wldha knt snin salt
Dazo yamat o bghit ntssale7 m3a tabi3a
L9a rassi o n3ish ki 3asho jdoudi fiha
Makayn la charikat la ra2ss mal la i9ta3iyine
La 3ilm la kdoub la mou2amara li kayn bayin
Makayn la reseau la internet la telephone
La bureau la modir la secrеtaira la silicone
Kayhem kidaz nhari machi so9i f blassa khra
Mchat 9imat lflouss 7it gha wra9 massawyash a ba
Lghaba katnbedd o l kawkab mafih ta mouchkil
L oxygеne n9i mazal mawla bnadm moudmine
Dakhline f life cycle bash yb9a 3ndna tawazoun
Sira3 lba9a2 w takatour w tanassoul
T3lmt n3ish f ga3 dorof
B ga3 toro9
T3elemt hnaya chla doros
Machi f nossos
La nature kant bou7dha 7akma l7ayat
O skat a7ssan lougha 9bl maynzlou l ayat
F3alam l7jer dert l39el sla7i lewl
Ma7awlt nsseytr fo9 l 2ard kant3lem
Kindir nb9a 3aysh net9atl o net2elem
Kaymout l ka2in li tayech o kayrbe7 li 3rf yt2emmel
GPS kanou njoum f sma katwrini tri9
W do kan chems li koula sba7 3liha kanfi9
Wst skat lghaba sme3t nida2 rou7
Wst skat lghaba 3esht tejribat ro3b
Blast manbki 3la l7yout t3lmt n3ish bla biha
3rft bzaaf ri7la makntsh mblaniha
Dwzt chhor bla mankoun ana nawiha
Ntle3 l machine yakma tdini l bladi safi