🔥 Earn $600 – $2700+ Monthly with Private IPTV Access! 🔥
Our affiliates are making steady income every month:
IptvUSA – $2,619 • PPVKing – $1,940 • MonkeyTV – $1,325 • JackTV – $870 • Aaron5 – $618
💵 30% Commission + 5% Recurring Revenue on every referral!
👉 Join the Affiliate Program Now Marwan Moussa - مروان موسى
Ghaby Gedan - غبي جدًا
[اللازمة]
غبي غباء
إيه، ما عنديش حاجة تتقال
البشر شمال
ما هو ده مش جديد، ده نفس الشريط
مدي نفسك أعذار، ما هو ده مش هيفيد
جاتلي أخبار إنك غرقان في الأفكار
ما عرفتش تنام لطلوع النهار
إتضحك عليك ويا ريتك خلعت
إزاي ما جمعتش؟ إزاي إتخدعت؟
[المقطع الأول]
عشان إنتَ غبي، عشان إنتَ ساذج
بتثق بسهولة، ما بتحطش حواجز
ليه مش بتأمن؟ بتموت في الأضواء
ما حضرتك النجم، حضرتك Star
لازم تحكيلهم قصة حياتك
بتهري ع الفاضي فتحس إنك حاجة
أُقعد إشتغل، فكك من الرغي
بعد الأجازة بتقلب أجنبي
بيتريقوا عليك وإنتَ مش قاطع
عامل فيها كاريزما بس إنتَ في الواقع
[اللازمة]
غبي غباء
إيه، ما عنديش حاجة تتقال
مش لاقي أسباب
عامل فيها غلبان
بس إنتَ جبان
خايف تقوم
دايمًا كسلان
[المقطع الثاني]
مش هكذب عليك بس إنتَ إتغشيت
إديتهم الغالية وحطوها في الجيب
لسه بتخمن، أقعد إتأمل
مش هتتعلم
خلاص مش هتكلم
إزاي ما ركزتش؟ إزاي ما لاحظتش؟
كانت واضحة للكل بس إنتَ في المشمش
بس إنتَ.. إنتَ مش هنا
إستخبيت في أوضة مكمكمة
إزاي خذلتنا؟ هسيبك مع نفسك
آخر دقيقة، مش ده وقت المجازفة؟
ليه بتتفاداني، عايشين هنا سوا
جربت بالمية، جربت بالهوا
تعالى كلمني، أرجوك ما تضعفش
أصل أنا ضميرك وإحنا في مسابقة الرقص
[اللازمة]
وإنتَ بجد غبي غباء
ما عنديش حاجة تتقال
البشر شمال
ما هو ده مش جديد، ده نفس الشريط
مدي نفسك أعذار، ما هو ده مش هيفيد
جاتلي أخبار إنك غرقان في الأفكار
ما عرفتش تنام لطلوع النهار
إتضحك عليك وياريتك خلعت
إزاي ما جمعتش؟ إزاي إتخدعت؟
عشان إنتَ غبي
غبي غباء
