[المقطع الأول]
بعتذرلك إني دايماً
كنت أقصر في الكلام
وإني بسرح لما أشوفك
فأبتسملك والسلام
وإني جاهل في المعاملة
والمجاملة والإهتمام
وإني عاجز إني أفسر
صوت مشاعري وإني خام
وإن قلبي بيبكي جداً
لو يحسك هتسيبيه
وإن حضني ساعات ما كانش
يسمح إنك تبقي فيه

[اللازمة]
وإني عادي ومش مثالي
وإني سهل ومش حويط
وإن بير أسراري خالي
وإني بني آدم بسيط
وإني ناقص كام بحبك
كام عشقتك كام بغير
وإني بسمح للخناق
إنه يتحكم كتير
وإني عادي ومش مثالي
وإني سهل ومش حويط
وإن بير أسراري خالي
وإني بني آدم بسيط
وإني ناقص كام بحبك
كام عشقتك كام بغير
وإني بسمح للخناق
إنه يتحكم كتير
[المقطع الثاني]
وإني سيبتك مرة تبكي
وإنتي مش قد العياط
وإني مرة نسيت أشاركك
في الزعل والإنبساط
وإني كل وعودي دابت
وإن شعرة حزني شابت
وإني عندي جرح ثابت
وإن أنا مليان خدوش
وإن خوفي ده إبتلائي
وإني بأذيكي بحيائي
وإن حبي وإشتياقي
الكلام ما بيوصفوش

[اللازمة]
وإني عادي ومش مثالي
وإني سهل ومش حويط
وإن بير أسراري خالي
وإني بني آدم بسيط
وإني ناقص كام بحبك
كام عشقتك كام بغير
وإني بسمح للخناق
إنه يتحكم كتير
وإني عادي ومش مثالي
وإني سهل ومش حويط
وإن بير أسراري خالي
وإني بني آدم بسيط
وإني ناقص كام بحبك
كام عشقتك كام بغير
وإني بسمح للخناق
إنه يتحكم كتير