[اللازمة]
كل ما تهل البشاير
من يناير كل عام
يدخل النور الزنازن
يطرد الخوف والضلام
كل ما تهل البشاير
من يناير كل عام
يدخل النور الزنازن
يطرد الخوف والضلام

[المقطع الأول]
يا نسيم السجن ميل
على العتب وإرمي السلام
زهر النوار وعشش في الزنازين الحمام
من سكون السجن صوتي
نبض قلبي من تابوتي
بيقولولك يا حبيبتي
كلمتي في بطن حوتي

[المقطع الثاني]
سلميلي على الحبايب
يا حبيبتي سلميلي
كل حب وله نصيبه
من سلامي بلغيلي
أحضني العالم عشاني
بين عيونك وإبعتيلي
نظرة منها أشوف حبايبي
تشفي قلبي وإسأليلي
كل عالم في بلدنا
كل برج وكل مدنة
حد فيهم شاف علامة
من علامات القيامة
[اللازمة]
قبل ما تهل البشاير
يوم ٢٥ يناير
قبل ما تهل البشاير
يوم ٢٥ يناير
لما قامت مصر قومة
بعد ما كانت في نومة
تلعن الجوع والمذلة
والمظالم والحكومة

[المقطع الثالث]
سلميلي على الولاد السمر
خضر العمر في عموم الحواري
سلميلي على البنات المخطوبين
في المهد لسرير الجواري
وإسأليلي بالعتاب
كل قاري في الكتاب
حد فيهم كان يصدق
بعد جهل وبعد موت
إن حس الشعب يسبق
أي فكر وأي صوت
هي دي مصر العظيمة
يا حبيبتي هي مصر
اللي فضلت في هواها
عِشِنا على ألف قصر
هي دي يا حبيبتي مصر
هي دي يا حبيبتي مصر