[المقطع الأول]
قهوة وڤارو ومسطالي وشكارة في بالي مديكالي الأوقات
فراسي منظر إيطالي، دلالي والواقع البلاد في سبات
حاب نبوجي مالتالي، ناكتيفي حالي
الفيد عليا يشالي يا توفيق
أنا يما قبل كلشي والباقي جازكم غالي
و نتايا قولي يا جان وقتاش تفيق؟
عيينا هاذي هي، عيينا من كلمة "بشوية"
هنا حياتك قاع يسالوا فيها
إشتراكية والعقلية إفريقية
هنا ماكاش الخصوصية
هنا كية تطبع كية، مالكرهة تتقيى
حياتي كاملة و أنا نقرى، حتى راحت النبرة
و شفت اللي قراو قبلي، منهم ديت العبرة
حاب نجرّب لغة أخرى، نجرّب حضن مالشقرة
نجيب ذراري شابين، نسڤم شكل الأسرة
كرهت الزوبية فالشارع، كرهت الغبار
كرهت كل يومين نشارع، حتى وليت حمار
كرهت من جاري كل يوم بالع و التطباع فالكار
كرهت لافريك، كرهت لاربيتر، كرهت الفار
كرهت القوة والكهول، [؟]
يحكوا على أسعار اللفت، الطرشي، ماشي لاحق طارو
تلقى ڤارو يدمر ڤارو، يخدم فإدارة
بيروقراطي طايح شعرو، يتبلى فكاش حمارة
خصونا عقول ثقال، خصونا علماء
شعب ما يحبش بلادو، حاب يردها قمامة
جينا حنا مهابل وسط الأمم، حيرنا الأممة
شعب معمّر مهابل ويڨولو حنايا عظماء
خويا لخضر غير أرواح تڨابل
الدزاير شابة غير نتوما لي مهابل
وضعي يعيي و الله ماني حامل
يو، معاكم كيفاش نتعامل؟
نتوما دونجي عالدمار الشامل
هاذ القوم بيه ما راني قابل
باش تتسڤم أنا فقدت الأمل
لي ڤعد وهبل يستاهل
و أنا جدي رفد السنطرة (با-با-با-باو، با-با-با-باو)
و أنت مرتك المسيطرة (المسيطرة)
لهنا الراجل عاد بلا قرار (بلا قرار)
شكون لي ولى يعمَّر الفراغ؟
نشوفكم نولي نغني أندلوسي، قوم ترى، قوم خرى
كوم بارازار نحس في روحي ما نتكومبارا
[اللازمة]
كوكو، حا تردوني لوكو
نولي نشم لا كوكو، أوه عييتوني بوكو
فالآفات تسطوكو، ناس فالشارع يشوكو
الشعب ڤاع لابس كروكو، مصاغر دروڤا يدروڤو
حبسو علينا شي طقوس

[المقطع الثاني]
راح نكيتي الحومة، راني راح ندير البوسيبل
هدرتي ماشي مفهومة، تڤول راني نتكلم روسي
يكرهو في يوبي هوما، شعب يقيم غير الپوسي
ڤاع يڤراطو يپروفيتو، الخرجة برى شغل پروسي

[جسر]
كوكو، حا تردوني لوكو (لوكو)
نولي نشم لا كوكو

[اللازمة]
كوكو، حا تردوني لوكو
نولي نشم لا كوكو، أوه عييتوني بوكو
فالآفات تسطوكو، ناس فالشارع يشوكو
الشعب ڤاع لابس كروكو، مصاغر دروڤا يدروڤو
حبسو علينا شي طقوس

[الخرجة]
حا تردوني لوكو
نولي نشم لا كوكو (نولي نشم لا كوكو)
نولي نشم لا كوكو (نولي نشم لا كوكو)