Paroles de Lferda feat Nikotine "Chriki"
[اللازمة]
تقب تقب تقب فالرية ، كون تبعنا طريق الله كنا نعيشو ملوك
باع عشيرو على ود لهية ،حياتنا غادا شريكي غير بالسلوك
فيدا كاملة دنوب مشيتي فيها، شبعنا ذنوب مشينا فيها
لهية Stop Stop Stop
كون تبعنا هضرت لواليدين كون عشنا ملوك

[المقطع الأول : الفردة]
شريكي فاللخر كاتبان الحقيقة ،شحال من ذكر فعايلو عتيقة
عاشرنا بالنية ،عكزنا بالثقة عشنا الالم كميناه فوريقة
لفيلم داير غي على ماماميا، ماكايخلعني أشريكي تا شي فرطوط
نموت ومانركعش على ركابيا، غير ربي لي كبير أما نتا فيك غانصوط
دينا روتين جينا مكمدها بالهية، ماكايخلعنا تا مشكل غير دموع مي غالية
صوري بابا صوري بابا ماطلعتش كيما بغيتي وقيلة
حشيش وطابا حشيش و طابا نفس سيناريو تعاود الليلة
معزول الراسي غارق فذنوبي تا يد ما كماتني
نسينا لباصي ماعنديش حوبي ماما لي سحراتني
لوقت مادعقاتنيش مشانق وحالف تا نجيبها حلال
لعصا مارباتنيش حزقة أصديقي كبراتني رجال
مالي مالي ماشي بحالهم انا ديما غادي بنيتي
فهموني غلاط و انا مامساليش باش نشرحلهم
لعاقة غانجيبها وغانصوفي لواليدة، ماجاتش بلقرايا را غا مكاتيب
الطاقة لي فيا كاتقولي غي جيبها، نفسي حارة واخا عقلي غائب

[اللازمة]
تقب تقب تقب فالرية ، كون تبعنا طريق الله كنا نعيشو ملوك
باع عشيرو على ود لهية ،حياتنا غادا شريكي غير بالسلوك
فيدا كاملة دنوب مشيتي فيها، شبعنا ذنوب مشينا فيها
لهية Stop Stop Stop
كون تبعنا هضرت لواليدين كون عشنا ملوك
[المقطع الثاني : نيكوتين]
فوسط الليل غادي بوحدي، هازيني رجليا وكتافي كتسوفري
تقت فصجاب خلاوني كنفوندي خلاوني غا بوحدي
كاع ماغادي نتيق فيهم مواسي لكمرة أ ناسيهم
حسادة مراض حاس بيهم ما على بالي بهم
حيت لي غدرو ديجا، درناها لهم ويي
السمطة أ شريكي دايرا ويي
صوت الأذان فودني وضميري كايقولي تووب
شيطاني ملصقني فوسط لحرام شمعتي كاذوب
غمضت عيني فوسط لغدر وصلات لعظم مادينا صبر
غي دموع لحنانة لي كاضبر، ميكورازون رديت الجمر
بيدي برمت كمايتي، لوقت دفنتو مع حنانتي
كاع مانفعاتني قرايتي CV هزيت
با بغاني نقرا، مي بغاتني نشد الطريق
شديت لبلية ميلونجيت الماحية على الريق
غاتقوليا الصحاب نقولك جامي نتيق
لاشتينا صافا عرف أعشيري غاتنافيق

[اللازمة]
تقب تقب تقب فالرية ، كون تبعنا طريق الله كنا نعيشو ملوك
باع عشيرو على ود لهية، حياتنا غادا شريكي غير بالسلوك
فيدا كاملة دنوب مشيتي فيها، شبعنا ذنوب مشينا فيها
لهية Stop Stop Stop
كون تبعنا هضرت لواليدين كون عشنا ملوك