[المقطع الأول]
هتعمل إيه لو نمت يوم وصحيت
بصيت وشفت نفسك في المراية بكيت
جواك سؤال تصرخ تقول أنا مين؟ أنا مين؟
أنا زي ما أنا ولا إتقسمت إتنين؟
وبعدين؟ بعدين؟

[اللازمة]
قول يا اللي في المرايا
فهمني إيه الحكاية؟
فرحان؟ تعبان؟
مرتاح؟ ندمان؟
حاجات كتير في حياتنا
إتسببت في حيرتنا
وأدينا عايشين راضيين
جايين ورايحين

[المقطع الثاني]
هتعمل إيه لو نمت يوم وصحيت ولقيت
أقرب ما ليك في الدنيا مش حواليك
هو إنت مين اللي عمل كده فيك؟ كده فيك
مش إنت؟ ولا في حد غمى عينيك؟
وبعدين؟ بعدين؟

[اللازمة]
بعدين قول يا اللي في المرايا
فهمني إيه الحكاية؟
فرحان؟ تعبان؟
مرتاح؟ ندمان؟
حاجات كتير في حياتنا
إتسببت في حيرتنا
وأدينا عايشين راضيين
جايين ورايحين