[‏كلمات أغنية "روح إنسان" شيرين]

[المقطع الأول]
في حد ساعات بيكون جنبك وما بتشفهوش
ما تحسش أبداً بوجوده مع إنه قريب
وفي حد يفارق ويسيبنا إنما بيعيش جوا قلوبنا
وتغيب الشمس إنما إسمه عمره ما بيغيب
في فرق ما بين جسم بيمشي وروح ما بتمشيش
واللي إنت أكيد سايبه ما بينا ضد النسيان
فرحت كتير وأهو جيه دورنا
ومعاك هنكمل مشوارنا
أصل مفيش في الدنيا دي أغلى من روح إنسان

[اللازمة]
وعشان أجيال بعدنا جايين
يفضلوا فاكرين يفضلوا عارفين
وعشانك حتة منا وعشان تفضل ما بينا
يفضل إسمك معانا سنين وسنين
وعشان أجيال بعدنا جايين
وعشان مش عايزين نخسر ناس تانيين
هنمدلهم إيدينا وهنديلهم عينينا
إحنا إخترنا الطريق ده وفيه ماشيين

[المقطع الثاني]
طول عمرك بتحس وجعنا ومن غير ما نقول
بنعيش الدنيا بإحساسك بنشوف بعينيك
وعشان من قلبنا بنحبك هنوصل حنية قلبك
للناس اللي ما نسيوش حبك وإتعلقوا بيك
[اللازمة]
وعشان أجيال بعدنا جايين (بعدنا جايين)
يفضلوا فاكرين يفضلوا عارفين
وعشانك حتة منا وعشان تفضل ما بينا
يفضل إسمك معانا سنين وسنين