في عز شبابه صلب و صعب يلين
بس بوقت العزلة بينكسر ببكي زي الجنين
بصارع زي ملاكم بقبضة حديد
وقت ما ينلدغ بيقوى بينقلب دمو اسيد

جمع صفات كواكب ليواكب الطقس
بالو اوسع من مجرة دمو احمى من الشمس
كاسر قيود الزمن مخترق الوقت
مختبر الصبر معتنق القوة حاصد الجهد

بلا مكابح كان فوق ال١٨
لما كان تحت ال١٨
عرام و حامل النعش
بارد سمى حالو رجل الثلج
مع انو من طين بس مسافر من وسط الهرج

حامل الألم بس ماسك بالقلم بس رافع العلم
وقت ما العلم غفى ما سلم
ملان حروف كإنو لوحة مفاتيح
ناضج مستحي من وسط جواه الفكر شحيح

Hook x2
سيبوني
اعيش شبابي زي مانا كنت متوقع اني اعيشو فالماضي
مين الي قالكم
إني مش صاحي ع حالي بس الفكرة
حامية زي سكين طرفها ماضي
كتير لقى نقد لما تعقد من القعد
بس واضح بإيمانو بالهدف ولا فسد
و الحمل تقيل و يصعب احصاء العدد
بس التشاؤم ماكل قلبه متفشي فقلب الغدد

لحالو جنب الحيط ابسط من بسيط
في خليط من طفل ضخم و من عالم سليط
و الناس مصففة بحياته و بتتفرج
اولوياته بتترتب فالناس على شكل مدرج

كسر الحروف عشان يشكل هالقصائد
و شكل البيوت عشان يكسر هالحواجز
احداث حياته مرقمة جوة كراس
اول صفحة سودة بس باقي القصة فيها نبراس

حالف ينحر الحزن بسكين الأمل
متمسك بالأتربة ليوصل صلابة جبل
رافع راسه مع انو كتير انخذل
جامل عشان ما يجرحش بس حس انو ما عدل


Hook x2
سيبوني
اعيش شبابي زي مانا كنت متوقع اني اعيشو فالماضي
مين الي قالكم
إني مش صاحي ع حالي بس الفكرة
حامية زي سكين طرفها ماضي